काठमाडौं । दशैंको घटस्थापनालाई लक्षित गरेर आगामी असोज १७ गतेदेखि प्रदर्शनमा आउन लागेको फिल्म ‘बेहुली फ्रम मेघौली’को टिजर सार्वजनिक भएको छ ।
केही दिन अगाडिदेखि हलमा बजिरहेको निर्देशक तथा अभिनेता निश्चल बस्नेत र अभिनेत्री स्वस्तिमा खड्काको मुख्य भूमिका रहेको फिल्मको टिजर युट्युबमा शनिबार सार्वजनिक गरिएको हो ।
सार्वजनिक ट्रेलरमा छोरीको उमेर छिप्पिदै गएपछि विवाह गर्न हुने समस्या देखाइएको छ । ३० वर्ष उमेर पुगेकी छोरीको विवाहका लागि परिवारले गरिरहेको प्रयास र अवरोध टिजरमा देखाएको छ ।
विवाहका लागि छोरीलाई मनाउन परिवारले गरेको प्रयास, छोेरीले गरेको अस्वीकार र विवाहका लागि केटी हेर्न आउने केटा देखाइएको छ । टिजरमा फिल्मका मुख्य कलारकार फिचर्ड छन् ।
फिल्ममा स्वस्तिमा खड्का, निश्चल बस्नेत, विजय बराल, बसुन्धरा भुसाल, सिमरन खड्का, लोकेन्द्र लेखक, रक्षा थापा, सिरु बिष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मीको अभिनय छ ।
ब्ल्याक हर्स पिक्चर्स र मेघौली फिल्मस्को ब्यानरमा निर्माण भएको फिल्ममा साजन काफ्ले र आकाश बरालको लेखन तथा निर्देशन छ । यो उनीहरूको डेव्यु निर्देशकीय फिल्म हो ।
अभिनेत्री स्वस्तिमा खड्कालाई फिल्म निर्माणमा निर्देशक तथा श्रीमान निश्चल बस्नेतले सघाएका छन् । फिल्मका कार्यकारी निर्माता फिरोज खड्का र शंकर पाण्डे हुन् ।
नरेन्द्र मैनालीको छायांकन, प्रदीप लामा र केवीका खत्रीको कोरियोग्रफी, जयन जे वाइवा र कुशल पोखरेलको संगीत, निमेष श्रेष्ठको सम्पादन, घनश्याम श्रेष्ठको प्रोडक्सन डिजाइन र केशव पाण्डे र लक्ष्मण पाण्डेको स्टील फोटोग्राफी छ । फिल्मलाई एप्पल इन्टरटेनमेन्ट र डिसिएनले वितरण गर्दैछन् ।
