खजूर स्वास्थ्यका लागि निकै फाइदाजनक मानिन्छ । यदि तपाई रक्तअल्पताबाट पीडित हुनुहुन्छ वा काम गर्दा छिट्टै थकित हुनुहुन्छ भने आफ्नो आहारमा खजूर अवश्य समावेश गर्नुहोस्।
यसमा फलाम र फाइबर राम्रो मात्रामा पाइन्छ। धेरैजसो स्वास्थ्य विशेषज्ञहरूले बताएअनुसार खाली पेटमा खजूर खाँदा शरीरले यसमा पाइने पोषक तत्वलाई राम्रोसँग सोस्छ।
हामीले दैनिक कति खजूर खाने ?
खजूरमा प्राकृतिक चिनी हुन्छ, यसले स्वास्थ्यलाई हानी गर्दैन । धेरैलाई मिठाई बारम्बार खान मन लाग्छ, यस्तो अवस्थामा खजूरको सेवन फाइदाजनक हुन्छ ।
पोषणविदका अनुसार बिहानको खाजामा कम्तीमा २ वटा खजूर खान सकिन्छ । यसबाट महिला र पुरुषको शरीरमा उर्जाको कमी हुँदैन ।
खाली पेटमा खजूर खानुका फाइदाहरु
१. रगतको अभाव हुनेछैन
खजूरले शरीरमा हेमोग्लोबिनको मात्रा बढाएर एनिमियाको समस्याबाट छुटकारा दिन्छ।
२. पेटको समस्या हट्नेछ
खजूर फाइबरको प्रचुर स्रोत हो, जसले आन्द्रा चल्ने प्रक्रियालाई सहज बनाउँछ। यसले कब्जियत र अपचको समस्यालाई हटाउँछ।
३. तौल घटाउन सहयोगी
खजूर खाँदा भोक कम हुन्छ र तौल नियन्त्रण हुन्छ ।
४. रक्त आपूर्तिमा कुनै अवरोध हुँदैन
खजूरमा पाइने आइरनले शरीरमा रगत आपूर्ति गर्छ । खजूरमा भिटामिन र मिनरल्स प्रचुर मात्रामा पाइन्छ, जुन गर्भवती महिलाका लागि पनि महत्त्वपूर्ण हुन्छ।
पुरुषका लागि किन फाइदाजनक हुन्छ खजुर ?
आयुर्वेदमा खजूरलाई औषधिको रूपमा प्रयोग गरिन्छ। खजूर र दूध एकसाथ खाँदा पुरुषमा प्रजनन क्षमता बढ्छ ।
दुधमा दुइ वा तीन खजूर पकाएर दिनहुँ पिउनाले शक्ति र शुक्राणुको संख्या बढ्छ । यति मात्र होइन, यसमा पाइने म्याग्नेसियमले तपाईको शरीरमा चिनीलाई नियन्त्रण गर्छ, जसका कारण तपाई मधुमेह जस्ता समस्याबाट बच्न सक्नुहुन्छ। एजेन्सीकाे सहयाेगमा
