काठमाडौं । पारिवारिक कथावस्तुमा निर्माण भएको फिल्म ‘सानो संसार’को गीत ‘मग मग फूलबारी’ सार्वजनिक गएको छ । सोमबार श्रीकृष्ण जन्माष्टमीको अवसर पारेर राजधानीमा आयोजित एक कार्यक्रमका बीच फिल्मको गीत सर्वाजनिक गरिएको हो ।
दशैंलाई लक्षित गरेर आगामी असोज ११ गतेबाट प्रदर्शनको तयारीमा रहेको फिल्मको सार्वजनिक गीतमा संगीतकार राजनराज सिवाकोटीको शब्द तथा संगीत छ ।
मेलिना राई र संगीतकार सिवाकोटीको स्वर रहेको सार्वजनिक गीतमा फिल्मका प्रायः सवै मुख्य कलाकारहरु फिचर्ड छन् ।
फिल्ममा सीतादेवी तिमल्सेनाको मुख्य भूमिका छ । सीतासँगै राज पंगेनी शर्मा, अनु दाहाल, अन्जसा रिजाल शिशिर सिवाकोटी, सरिता भण्डारी र जीवन गौतमको अभिनय रहेको छ ।
विवाहको सेटअपमा तयार पारिएको शरद महतोले खिचेको सार्वजनिक गीतको भिडियोमा सुजैन खड्का र मनोज खड्काको कोरियोग्राफी छ ।
राजधानी मिडिया एड प्रोडक्सन र प्रिन्सेस मूभिजको व्यानरमा फिल्म निर्माण भएको छ । अर्जुन कुमार निर्माता रहेको फिल्मका कार्यकारी निर्माता माधव वाग्ले हुन् । राजधानी मिडिया र प्रिन्सेस मूभिजले फिल्मलाई संयुक्तरुपमा प्रदर्शन गर्नेछन् ।
सिद्धार्थ पुडासैनीले फिल्मलाई निर्देशन गरेका हुन् । यही फिल्मबाट उनले लेखन तथा निर्देशनमा डेव्यु गर्दैछन् ।
