काठमाडौं । सवारी साधन प्रदर्शनको कुम्भ मेला ‘नाडा अटो शो २०२४’को आजदेखि सुरु हुँदैछ । प्रदर्शनी काठमाडौंको भृकुटीमण्डपमा हुने भएको हो ।
नाडा अटोमोबाइल्स एशोसिएसन अफ नेपालले हरेक वर्ष आयोजना गर्दै आएको मेला ६ दिनसम्म चल्ने छ । मेलामा विभिन्न ब्राण्डका सवारी साधनको प्रदर्शनी हुनेछ ।
६ दिनसम्म चल्ने मेलाका लागि २४ वटा ब्राण्डका चार पांग्रे, १९ ब्राण्डका दुई पांग्रे र १२ ब्राण्डका हल्का लाइट सवारी साधन प्रदर्शन हुनेछ । यस्तै, यो मेलामा बैंकहरूले पनि आफ्नो प्रदर्शन गर्ने भएको छ ।
नाडा अटो शोमा लक्ष्मी सनराइज बैंक, महालक्ष्मी विकास बैंक, सानिमा बैंक, नबिल बैंक, ग्लोबल आइएमई बैंक, हिमालयन बैंक र माछापुच्छ्रे बैंकले समेत सहभागी जनाउने भएको छ । बैंकले सवारी खरिद गर्ने ग्राहकका लागि सुविधा दिने तयारी गरेको हो ।
प्रतिक्रिया दिनुहोस्
