आज मिति २०८१ भदौ १२ गते बुधबार । सन् २०२४ अगस्त २८ तारिख । नेपाल सम्बत ११४४ गुंलागा दशमी तिथि । आज नेपालमा सूर्योदय बिहान ५ः४१ बजे भयो भने सूर्यास्त साँझ ५ः२८ बजे हुनेछ । अब सुरु गरौँ आजको राशिफलः
मेष
आकस्मिक धनलाभ हुने एवम् साथीहरूसित मनोरञ्जनको अवसर जुर्ने समय छ । विद्या, बौद्धिक क्षेत्रमा सफलता मिल्नेछ । केही खर्च भए पनि दानपुण्य र भेटघाटमा खर्च हुनाले गर्दा मन तृप्त हुनुका साथै मानसिक सन्तुष्टि मिल्ने योग छ । सन्तान पक्षबाट सन्तोष प्राप्त हुनेछ । परिवारको सहयोग मिल्नेछ । प्रतिष्पर्धी परास्त हुनेछन् ।
बृष
अप्ठ्यारा चुनौतीहरूलाई पन्छाउन सकिनेछ । गरेका कामबाट राम्रै लाभ हुने र श्रमको उचित मूल्याङ्कन हुने समय छ । आर्थिक पक्ष सबल रहला । उद्योग, व्यवसायमा लगानी गर्दा राम्रै हुने देखिन्छ । तथापि, आज नचिताएको काममा पैसा खर्च हुने योग छ, सावधान रहनुहोला । यात्रागत कार्यमा सफलता प्राप्त हुनेछ । सन्तानसुख मिल्नेछ ।
मिथुन
सोचेका काम सजिलैसंग पूरा गर्न सकिने दिन छ । सामाजिक क्षेत्र र नोकरीबाट मानसम्मान मिल्नेछ भने जग्गाजमिनको कारोबार गर्दा लाभ मिल्ने योग छ । पढाइलेखाइमा पनि प्रगति नै होला । कामको यात्रासमेत हुन सक्छ । धार्मिक यात्रामा सहभागी हुने अवसर मिल्ला । आयबल र सुख वृद्धि हुनेछ । आरोग्यता रहने छ । रसरागमा आकर्षित हुनुहुनेछ ।
कर्कट
अधुरा कामहरु पुरा हुनेछन् भने समस्याको हल हुने समय छ । पारिवारिक जीवन सामान्य रहने छ । लेखन, अध्ययन र ज्ञानगुनका क्षेत्रमा सक्रियता बढ्ने छ । नयाँ आरम्भ गरेको कार्य भने सहजै नबन्ने र बनिहाले पनि मेहनत गरेअनुसारको फल नमिल्ने योग छ । सानातिना काम र घरेलु समस्यामै अल्झनुपर्ने देखिन्छ । आरोग्यता रहनेछ । मिठो भोजन प्राप्त होला । रसरागको भाव वृद्धि हुनेछ ।
सिंह
दौडधुप बढ्नेछ । साथीभाइसित अप्रत्यासित भेटघाट हुने र व्यवसायिक कर्मबाट आकस्मिक लाभ मिल्ने समय छ । कुनै लाभदायक समाचार सुन्न पाइएला । आजको दिन खर्च पनि केही बढ्ने देखिन्छ । सरसापटको पैसा फिर्ता हुन मुस्किल पर्ला । स्वास्थ्यमा समस्या आउने योग छ, विशेष सजग रहनुहोला । प्रतिकुलतामा पनि सामर्थ्य बढ्नेछ । समस्याको समाधान मिल्ला ।
कन्या
लामो समयदेखि रोकिएका काम बन्दै जाने समय छ । मेहनतले पुरस्कार तथा विभिन्न उपहार दिलाउन सक्छ । सामाजिक कामबाट प्रशंसा प्राप्त हुनेछ । सवारी साधनबाट सुखसुविधा मिल्ला । साथीभाइका साथ रमाइलो यात्रा गर्ने अवसर प्राप्त हुनेछ । कतै अतिथिका रूपमा सम्मानसमेत प्राप्त होला । शत्रुमाथि विजय प्राप्त हुनेछ । मिठो भोजन प्राप्त हुनेछ । रसरागमा आकर्षण बढ्ला ।
तुला
मित्रजनबाट सहयोगका साथै सुख मिल्नेछ भने नोकरीमा प्रशंसनीय कार्य गर्न सकिने समय छ । आज नसोचेको ठाउँबाट धन आर्जको योग छ । साथीभाइले राम्रो साथ दिनेछन् भने मातापिताको आशीर्वाद प्राप्त होला । रोकिएका काम सम्पादन हुने र नयाँ काम पाइने सम्भावना छ । प्रतिष्ठा बढ्नेछ । मिठो भोजन मिल्नेछ । बोलीको प्रभाव बलियो बन्नेछ ।
बृश्चिक
आजको धेरैजसो समय सानातिना घरेलु काममै अल्झनुपर्ला । चिताएको काममा बाधा हुँदा मन खिन्न हुन सक्छ । कामको बोझले थाकेको महसुस होला । कसैसँग सामान्य विवादको योग पनि छ, सचेत रहनुहोला । आजको दिन सवारी साधनको प्रयोगमा विशेष सावधानी अपनाउनु हितकर हुनेछ । घर–गृहस्थीमा समस्या आउन सक्छ, विवेकपूर्ण व्यवहारको प्रयत्नले समस्याको समाधान दिलाउनेछ ।
धनु
दिन मिश्रित फलदायी रहला । सन्तानपक्षबाट सन्तोष मिल्नेछ भने धार्मिक स्थल आदिको भ्रमण हुन सक्छ । हिस्सेदारसँग असमझदारी बढ्नाले सम्झौता भंग हुन सक्ने योग छ । कार्यप्रक्रिया नमिल्नाले काम दोहोऱ्याउनुपर्ने स्थिति आउन सक्छ । अनावश्यक साइनो गाँस्नेहरूसँग सावधान रहनु नै हितकर होला । मित्रजनको सहयोग समर्थन प्राप्त हुनेछ ।
मकर
आज नयाँ ठाउँमा धन लगानी गर्ने वातावरण बन्ने देखिन्छ । सभा सम्मेलनमा सहभागी हुने अवसर मिल्ला । स्वास्थ्यगत समस्या देखिने सम्भावना छ । लेनदेनको विवादले पनि अप्ठ्यारो पार्न सक्छ, विवेकपूर्ण व्यवहारको प्रयत्न गर्नुहोला । रसराग तथा प्रेममा सफलता मिल्नेछ । आफन्तको साथ प्राप्त हुनेछ ।
कुम्भ
समय शुभदायी छ । सुखद समाचार सुन्न पाइएला । विविध लाभ पनि हुने देखिन्छ । विभिन्न उपहार प्राप्त हुने र सहयोगीहरूले राम्रो साथ दिने योग छ । रोकिएका काम बन्नेछन् भने नयाँ काम सुरु गर्न सकिनेछ । आजकोृ अधिकांश समय धार्मिक तथा सामाजिक काममा बित्ने देखिन्छ । नयाँ सम्भावना देखापर्नेछ । बोली र व्यक्तित्वको प्रभाव बढ्ला ।
मीन
प्रतिफल प्राप्त नहुने क्षेत्रमा लगानी हुनसक्ने समय छ, सचेतनाको आवश्यकता छ । नियमित कामलाई निरन्तरता दिन सकिनेछ तर नयाँ काममा हात हाल्न केही समय पर्खंनु हितकर होला । शरीरमा आलस्यताले राज गर्ला । पढाइलेखाइमा खासै मन जाने देखिँदैन । आजको दिन सवारीसाधनको प्रयोगमा विशेष सतर्कता अपनाउनु उचित हुनेछ । धनमाल हराउने या क्षतिपुग्ने सम्भावना छ, ध्यान राख्नुहोला । पराक्रम वृद्धि र रसरागमा आकर्षण बढ्नेछ ।
