काठमाडौं । साताको अन्तिम कारोबार दिनको प्रि सेसनमा सेयर बजार परिसूचक (नेप्से) एकल अंकले बढेको छ । अघिल्लो कारोबार दिन झिनो अंकले बढेर बन्द भएको नेप्से प्रिसेसन पनि ४.८८ अंकले बढेको हो ।
प्रिसेसनमा ४.८८ बढ्दै नेप्से २७९१.२९ को बिन्दुमा उक्लिएको छ ।
प्रि सेसनमा ५२ कम्पनीको कारोबार हुँदा २० कम्पनीको मूल्य बढ्यो भने २५ कम्पनीको मूल्य घट्यो । विशेषगरी जलविद्युत समूहका कम्पनीको मूल्य बढेको छ ।
प्रिसेसनमा ९ हजार ७३८ कित्ता सेयर किनबेच हुँदा कारोबार रकम ५३ लाख ८७ हजार रुपैयाँको भयो । जुन केही दिनयताकै प्रिसेसनमा भएको कम कारोबार हो ।
प्रिसेसनमा सबैभन्दा बढी लिवर्टी इनर्जी कम्पनीको सेयर किनबेच भएको छ । जसको कारोबार रकम १६ लाख ३१ हजार रुपैयाँ बराबर भएको छ ।
निरन्तर गिरावटका बीच बुधबार नेप्सेमा उच्च उतारचढाव भएको थियो । तर, लगानीकर्ता न्यूट्रल रहँदा कारोबार रकम बढ्न सकेन । साथै, आशातितरुपमा नेप्सेमा बृद्धि भएन ।
लगानीकर्ताहरुले आजको कारोबारसँगै नेप्सेले पुरानै लय समात्ने अपेक्षा व्यक्त गरेका छन् ।
