काठमाडौँ । नेपाल क्रिकेट संघ (क्यान)का सचिव पारस खड्काले क्रिकेट खेल्ने भएका छन् । उनले लिजेण्ड क्रिकेट लिग खेल्ने भएका हुन् ।
नेपाली राष्ट्रिय क्रिकेट टोलीका पूर्व कप्तानसमेत रहेका पारस लिजेण्ड लिग क्रिकेटमा गुजरात टिमबाट खेल्ने भएका हुन् । उनलाई आउँदो सिजनका लागि गुजरातले २० लाख नेपाली रुपैयाँमा अनुबन्ध गरेको जानकारी दिएको छ ।
लिजेण्ड लिग किक्रेटको तेस्रो सिजन आगामी सेप्टेम्बर २० देखि सुरु हुँदै छ । लिजेण्ड लिग क्रिकेटमा सन्यास लिएका क्रिकेटर खेल्ने गर्दछन । लिजेण्ड लिगमा ६ टोलीबीच कूल २५ खेल खेलिने बताइएको छ ।
तेस्रो सिजनका खेलहरू भारतको जोधपुर, सुरत र जम्मुमा हुने छन् । यस सिजनको फाइनल खेल अक्टोबर १६ मा हुने छ ।
प्रतिक्रिया दिनुहोस्
