काठमाडाैं । फ्राइडे रिलिज अन्तर्गत फिल्म ‘वर एण्ड बधु’ आजबाट रिलिज भएको छ । मिलन चाम्सको निर्देशन रहेको फिल्म शुक्रबारबाट रिलिजमा आएको हो ।
यो फिल्मको मंगलबार पोखरा र बुधबार ललितपुरको लाबिम महलमा आयोजना भएको प्रिमियरमा तारिफ पाएको थियो । यसको प्रभाव व्यापारमा देखिने विश्वास निर्माण टिमको छ ।
दुई परिवारबीचको दुश्मनी, प्रेम र धोकाको कथा उठाएको फिल्मको मुख्य भूमिकामा विवेक कर्माचार्य र आँचल शर्मा छन् ।
फिल्ममा विजय लामा, किरण केसी, हिउँवाला गौतम, सरिता लामिछाने, अन्सु महर्जन, दिनेश काफ्ले, यमन श्रेष्ठ, सृष्टि खड्का, गरिमा शर्मालगायतको पनि अभिनय छ ।
एलआरके प्रोडक्सनको ब्यानरमा निर्माण भएको फिल्ममा सुदीप बरालको छायांकन तथा प्रदीप भारद्वाजको लेखन छ ।
रोमानियामा र काठमाडौंमा छायांकन गरिएको फिल्ममा जानुका थापा निर्माता र डाक्टर अमित रिजाल कार्यकारी निर्मातामा छन् ।
यो फिल्मको उच्च मेकिङ, कलाकारहरुको अभिनय र कथावस्तुले दर्शकको मन जित्ने विश्वास गरिएको छ ।
