काठमाडौं । राष्ट्रिय योजना आयोगका सचिव तोयानारायण ज्ञवालीले राजीनामा दिएका छन् ।
आफूभन्दा कनिष्ठलाई मुख्यसचिव बनाइएपछि असन्तुष्ट बनेको ज्ञवालीले पदबाट राजीनामा दिएका छन् ।
बिहीबार बसेको मन्त्रिपरिषद बैठकले वरियता मिच्दै चौथो नम्बरमा रहेका एकनारायण अर्याललाई मुख्यसचिवमा नियुक्त गर्ने निर्णय गरेको थियो । जुन निर्णय बाहिरिएलगत्तै ज्ञवालीले राजीनामा बुझाएका हुन् ।
ज्ञवालीको राजीनामा स्वीकृति भइसकेको छ ।
वरिष्ठताका आधारमा ज्ञवाली एक नम्बरमा थिए । यद्यपि, सरकारले वरिष्ठतालाई मिच्दै चौथो नम्बरमा रहेका अर्याललाई मुख्यसचिव बनाउने निर्णय गरेको थियो ।
वरिष्ठताका आधारमा राष्ट्रिय योजना आयोगका सचिव ज्ञवाली पहिलो, सार्वजनिक खरिद अनुगमन कार्यालयका सचिव रामकृष्ण सुवेदी दोस्रो र महिला बालबालिका तथा ज्येष्ठ नागरिक मन्त्रालयका सचिव दिनेश भट्टराई तेस्रो नम्बरमा थिए ।
