काठमाडौं । नेपाल क्रिकेट सङ्घ (क्यान)ले आईसीसी टी २० विश्वकपमा सहभागी भएका खेलाडीलाई पुरस्कार दिने भएको छ । अमेरिका र वेस्टइन्डिजमा सम्पन्न विश्वकप क्रिकेटमा सहभागी खेलाडीलाई जनही तीन लाख रुपैयाँ दिने भएको हो ।
क्यान कार्य समिति बैठकले टोलीका खेलाडीलाई तीन लाख र अन्य सपोर्ट स्टाफलाई जनही एक लाख ५० हजार नगद पुरस्कार प्रदान गर्ने निर्णय गरेको हो ।
नेपालले विश्वकपमा खेलेको चार खेलमा तीनमा हार बेहोरेको थियो । एक खेल वर्षाका कारण रद्द भएको थियो ।
क्यानले सबै प्रदशेका क्रिकेट सङ्घमार्फत प्रत्येक प्रदेशमा दुई जना महिला र तीन जना पुरुष खेलाडीलाई १५–१५ हजार नगद पारिश्रमिक दिने निर्णय गरेको छ ।
प्रतिक्रिया दिनुहोस्
