एक डाक्टरले एक बिरामीको खुट्टाको सीटी स्क्यान सामाजिक सञ्जालमा सेयर गरेपछि यो भाइरल भएको छ। यो तस्बिर देखेर मानिसहरु चिन्तित छन् कि स्क्यानिङमा यस्तो के छ कि देखेर सबै छक्क पर्छन् ।
युनिभर्सिटी अफ फ्लोरिडा हेल्थ ज्याक्सनभिलका डाक्टर साम घालीले यो स्तब्ध पार्ने तस्विर सेयर गरेका छन् । उनले यसलाई आफूले देखेको अनौठो सीटी स्क्यानको रूपमा वर्णन गरेका छन् ।
डाक्टरले बिरामीको सीटी स्क्यानको तस्बिर पनि सोसल मिडिया प्लेटफर्म एक्समा सेयर गरेका छन् । तस्बिरमा बिरामीको खुट्टामा केही सेतो रंगको कीरा जस्ता चीजहरू देखिन्छन्। यी कीराहरूले सबैलाई सताइरहेका छन्।
वास्तवमा यी परजीवीहरू हुन्, जुन अन्य जीवित वस्तुहरूमा निर्भर हुन्छन्। तर, बिरामीको खुट्टा हेरेपछि के हो भनेर कसैले बुझ्न सकेनन् । यसपछि डाक्टरले आफैले भनेका थिए मानिसको खुट्टामा के थियो !
Here’s one of the craziest CT scans I’ve ever seen
What’s the diagnosis? pic.twitter.com/DSJmPfCy9L
— Sam Ghali, M.D. (@EM_RESUS) August 25, 2024
सिस्टिसेकोसिसकाे समस्या
बिरामीलाई ‘टेनिया सोलियम’ वा सिस्टिसेकोसिस भएको चिकित्सकले बताएका छन् । अब प्रश्न उठ्छ सिस्टिसेकोसिस के हो ? डाक्टरका अनुसार सिस्टिसेकोसिस पोर्क टेपवार्मबाट हुने गम्भीर संक्रमण हो, जहाँ पोर्क टेपवार्मको लार्भा मस्तिष्क र मांसपेशीलगायत कोषका समूहहरूमा पुग्छ, जसले मानिसलाई गम्भीर बिरामी बनाउन सक्छ।
डाक्टरका अनुसार यसले छाला मुनि गाँठो हुने, टाउको दुख्ने र चक्कर लाग्न सक्छ। कहिलेकाहीँ यो संक्रमण मस्तिष्क वा मेरुदण्डमा पुग्छ। नपाकेको सुँगुरको मासु खाँदा यो संक्रमण छिट्टै सर्छ।
विश्वभर हरेक वर्ष करिब ५ करोड मानिस सिस्टिसेकोसिसबाट संक्रमित हुने र ५० हजारको ज्यान जाने गरेको चिकित्सक साम घलीले बताएका छन् । त्यस्ता संक्रमणहरू सामान्यतयाः सीटी स्क्यानमा सेतो दागको रूपमा देखा पर्दछ।
सरसफाई कायम राख्न सक्दो प्रयास गर्ने, सधैँ हात धुने र काँचो वा नपाकेको सुँगुरको मासु कहिल्यै नखाने भन्ने पनि यस कथाबाट सिकेको उनले बताएका छन् । एजेन्सीबाट
