छाती दुख्ने : मायोक्लिनिकको प्रतिवेदन अनुसार छाती दुख्नु वा कसो हुनु सामान्यतया एसिडिटी वा ग्यासका कारण हुने मानिन्छ । तर, छातीमा अचानक तीव्र दुखाइ वा भारी हुनु मुटुसँग सम्बन्धित रोगहरूको कारण हुन सक्छ। यस्ताे लक्षण देखिएमा गल्तीले पनि बेवास्ता नगर्नुहोस्।
सास फेर्न गाह्रो हुने: हल्का शारीरिक क्रियाकलाप गर्दा पनि सास फेर्न गाह्रो भयो भने यो मुटुसँग सम्बन्धित समस्याको संकेत हुन सक्छ। यसबाहेक राति सास फेर्न गाह्रो हुनु र निद्रामा गडबड हुनु पनि समस्या हुन सक्छ।
सुन्निने: जब हाम्रो मुटुले प्रभावकारी रूपमा पम्प गर्न सक्दैन, शरीर तरल पदार्थले भरिन्छ। यस्तो अवस्थामा सुन्निने र दुख्ने समस्या बढी हुन्छ । यो लक्षणलाई बेवास्ता गर्नु हुँदैन। किनभने, यो कमजोर मुटुको संकेत पनि हुन सक्छ।
एक्कासी तौल बढ्नुः यदि तपाईको तौल अचानक बढ्छ भने त्यसमा ध्यान दिनु जरुरी छ । तौल बढ्दा मुटुजस्ता रोग लाग्ने खतरा बढ्छ ।
थकान: यदि तपाईंलाई थोरै व्यायाम गरेपछि पनि थकान वा सास फेर्न गाह्रो हुन्छ भने, तपाईंको मुटुले रक्तसञ्चार गर्न असमर्थ हुन्छ, जसले हृदय रोगको जोखिम बढाउँछ।
अत्याधिक पसिना आउनु : धेरै पसिना आउने हो भने यो मुटुको समस्याको संकेत हुन सक्छ । विशेषगरी छाती दुख्ने र सास फेर्न गाह्रो हुँदा यो हृदयघातको संकेत हुन सक्छ। एजेन्सीबाट
