काठमाडौँ । चलचित्र विकास बोर्डको अध्यक्षमा नियुक्त भएका दिनेश डिसीले कार्यभार सम्हालेका छन् ।
सोमबार बिहान सञ्चार मन्त्रायलबाट नियुक्ति पत्र बुझेपछि उनी सीधै डीसीले बोर्डको कार्यालय पुगेका थिए । कार्यभार सम्हाल्दै उनले आफू बोर्डमा नयाँ ढंगले काम गर्ने लक्ष्यसहित आएको दाबी गरे ।
गत बिहीबारको मन्त्रिपरिषद् बैठकले डिसीलाई चलचित्र विकास बोर्डको अध्यक्ष नियुक्त गर्ने निर्णय गरेको थियो ।
सञ्चार तथा सूचना प्रविधि मन्त्रालयले बोर्डको अध्यक्षका लागि आवेदन दिएका मध्ये तीन जनाको नाम सिफारिस गरेको थियो । जसमा डिसीसहित दीपा पाण्डे र राजेश थापा रहेका थिए ।
प्रतिक्रिया दिनुहोस्
