तपाईलाई भिटामिन बी-१२ को बारेमा जान्नु धेरै महत्त्वपूर्ण छ। भिटामिन बी-१२ को कमीले शरीरलाई निर्जीव बनाउँछ। किनभने भिटामिन बी-१२ले रक्त कोशिकाहरूको निर्माण र डिएनए संश्लेषण जस्ता महत्त्वपूर्ण कार्यहरूमा महत्त्वपूर्ण भूमिका खेल्छ।
भिटामिन बी-१२ ती भिटामिनहरू मध्ये एक हो, जुन शरीरले आफैं उत्पादन गर्न सक्दैन। अर्थात् यसको मात्रालाई आहारबाट सन्तुलनमा राख्नुपर्छ । यो पनि भिटामिन बी-१२ को कमीको समस्याको एक महत्वपूर्ण कारण हो।
शरीरमा कति हुनुपर्छ भिटामिन बी-१२ ?
पुरुष र महिलाको शरीरमा भिटामिन बी-१२ को सामान्य स्तर २०० pg/mL देखि ९०० pg/mL सम्म हुन्छ। वृद्धहरूमा यसको स्तर ३०० देखि 3३५० pg/mL को बीचमा हुन्छ। जब भिटामिन बी-१२ को स्तर यस स्तर भन्दा तल झर्छ, एक व्यक्तिले धेरै गम्भीर लक्षणहरू अनुभव गर्न थाल्छ।
भिटामिन बी-१२को कमीको लक्षण
विज्ञहरूले बताएअनुसार भिटामिन बी-१२ को कमी भएमा पहिलाे चरणमा हातमा झनझन, मुखमा अल्सर, अत्यधिक थकान वा कमजोरी र चिन्ता जस्ता लक्षणहरू हुन सक्छ। यसका साथै टाउको दुख्ने, बेहोस हुने, हातखुट्टा दुख्ने र दृष्टिमा कठिनाइ हुने जस्ता समस्या पनि देखा पर्न सक्छन् ।
यसबाहेक भिटामिन बी–१२ को कमीले एनिमिया र मस्तिष्कसम्बन्धी रोगको जोखिम, खराब पाचन, हड्डी कमजोर हुनु पनि प्रमुख समस्या हुन सक्छ।
भिटामिन बी-१२ को कमीलाई हटाउने उपाय
भिटामिन बी-१२ को कमीलाई हटाउन आफ्नो आहारमा केही खानेकुरा समावेश गर्न आवश्यक छ। यसमा मासु, अण्डा, दूध, गेडागुडी, फलफूललगायत समावेश व्यवस्थितरूपमा खानुपर्छ । यी सबैलाई भिटामिन बी-१२ को राम्रो स्रोत मानिन्छ र तिनीहरूलाई नियमित रूपमा आहारमा समावेश गर्नाले भिटामिन बी-१२ को कमीबाट बच्न सकिन्छ।
यदि तपाइँ भिटामिन बी-१२ को कमीसँग सम्बन्धित कुनै लक्षणहरू अनुभव गर्दै हुनुहुन्छ भने, तुरुन्तै आफ्नो डाक्टरसँग परामर्श लिनुहोस्। भिटामिन बी-१२ को कमीलाई छिट्टै पहिचान गरी उपचार गर्नु महत्त्वपूर्ण छ ताकि यसको जटिलताबाट बच्न सकिन्छ। एजेन्सीबाट
