वर्षौंदेखि, धेरै अध्ययनहरूले दावी गरेका छन् कि मोबाइल फोनबाट उत्सर्जित प्रकाश र तरंगहरू मानव स्वास्थ्यको लागि हानिकारक छन् । यसले अनिद्रा, बाँझोपन, दृष्टि समस्या, चिन्ताको जोखिम बढाउँछ। यसबाहेक केही मानिसहरु यो पनि विश्वास गर्छन् कि मोबाइल फोनले मस्तिष्क क्यान्सरको जोखिम बढाउँछ। तर, के यो सत्य हो त ?
विश्व स्वास्थ्य संगठन (डब्लुएचओ)को नयाँ अध्ययनअनुसार मोबाइल फोनको प्रयोग र मस्तिष्कको क्यान्सरबीच कुनै सीधा सम्बन्ध छैन । यस निष्कर्षमा पुग्न डब्ल्यूएचओले पाँच हजारभन्दा बढी अध्ययनहरूको विश्लेषण गरेको छ। जसमध्ये सन् १९९४ देखि २०२२ सम्म प्रकाशित ६३ प्रमुख अध्ययनलाई अन्तिम विश्लेषणका लागि छनोट गरिएको थियो।
मे २०११ मा, डब्ल्यूएचओको इन्टरनेशनल एजेन्सी फर रिसर्च अन क्यान्सरले वायरलेस फोनको प्रयोगलाई ग्लियोमा, मस्तिष्कको क्यान्सरको घातक प्रकारको सम्भावित जोखिम कारकको रूपमा वर्गीकृत गर्यो। आइएआरसीले रेडियो तरंगहरूलाई ‘मानिसका लागि सायद कार्सिनोजेनिक’ भनी वर्गीकृत गर्यो, यद्यपि यो वर्गीकरण सीमित प्रमाणका साथ मानव अवलोकन अध्ययनमा आधारित थियो।
यस भर्खरको विश्लेषणका प्रमुख अनुसन्धानकर्ता केन कारिपिडिसले भने, “हाम्रो व्यवस्थित समीक्षा, जुन आइएआरसीद्वारा जाँच गरिएको डाटासेटभन्दा धेरै ठूलो र हालको अध्ययनमा आधारित छ, यसले वायरलेस टेक्नोलोजीबाट उत्सर्जित रेडियो तरंगहरूको जोखिमको निष्कर्षमा बढी विश्वास प्रदान गर्दछ। सम्पर्कका कारण मानव स्वास्थ्यमा कुनै खतरा छैन ।”
उनले यो अध्ययन थप विस्तृत तथ्याङ्कमा आधारित रहेको र मोबाइल फोनको प्रयोगले मस्तिष्कको क्यान्सरको जोखिमलाई असर गर्दैन भन्ने निष्कर्षलाई अझ बलियो बनाएको बताए । एजेन्सीबाट
