काठमाडौँ । एन्फा कम्प्लेक्स सातदोबाटोमा जारी एन्फा महिला लिगमा नेपाल एपीएफ क्लब विजयी भएको छ ।
खेलमा विभागीय टोली एपीएफले अर्को विभागीय टोली त्रिभुवन आर्मी फुटबल क्लबलाई २-१ गोल अन्तरले पराजित गरेको हो ।
एपीएफका लागि सविता राना मगरले पहिलो हाफको इन्जुरी समयमा र गीता रानाले खेलको ६७ औँ मिनेटमा गोल गरेका थिए । आर्मीका लागि एकमात्र गोल विमला चौधरीले ५६ औँ मिनेटमा गरेकी थिइन् ।
जारी लिगमा एपीएफको यो पहिलो जित हो । पहिलो खेलमा एपीएफ पुलिस क्लबसँग बराबरीमा रोकिएको थियो । आर्मीले भने यसअघि संकटा क्लबलाई पराजित गरेको थियो । अखिल नेपाल फुटबल संघ (एन्फा) को आयोजनामा जारी लिगमा १० टोलीको सहभागी छ ।
प्रतिक्रिया दिनुहोस्
