काठमाडौँ । राजधानीमा जारी एन्फा महिला लिगमा कोशी प्रदेशले लगातार तेश्रो जित निकालेको छ ।
सातदोबाटोस्थित एन्फा कम्प्लेक्समा आइतबार भएको खेलमा कर्णालीलाई ४-० गोल अन्तरले पराजित गर्दै कोशी लगातार जित निकाल्न सफल भएको हो । जितसँगै ९ अंकका साथ कोशी तालिकाको शीर्ष स्थानमा छ ।
कोशीलाई जित दिलाउन पुर्णिमा राईले खेलको ३४ र ७१ औँ मिनेटमा गोल गरेकी थिइन् । यस्तै, समीक्षा मगरले ६६ औँ र प्रतिक्षा राईले ७४ औँ मिनेटमा गोल गरेकी थिइन् ।
लिगमा कर्णालीको १ अंक रहेको छ । अखिल नेपाल फुटबल संघ (एन्फा)को आयोजनामा जारी लिगमा १० टोलीको सहभागिता छ ।
प्रतिक्रिया दिनुहोस्
