काठमाडौँ । मानिसलाई स्वस्थ रहन दैनिक ८ घण्टा सुत्न आवश्यक हुन्छ । यदि, कसैलाई निद्रा लाग्दैन भने यसले नकारात्मक असर पार्न सक्छ । दैनिक काममा कठिनाई आउन सक्छ । अनेक मानसिक तथा शारीरिक समस्या हुन सक्छ ।
तर, जापानका ४० वर्षीय उद्यमी डेसुके होरीको कथा फरक छ । उनी विगत १२ वर्षदेखि हरेक दिन ३० मिनेट मात्र सुत्छन् । उसले आफ्नो मस्तिष्कलाई यसरी प्रशिक्षित गरेका छन् कि न्यूनतम निद्राले स्वस्थ रहन र दैनिक कार्य कुशलतापूर्वक गर्न सक्छन् ।
अहिले उनी सर्ट स्लिप ट्रेनिङ एसोसिएसन चलाइरहेका छन् । जहाँ उनले २१ सयभन्दा बढी विद्यार्थीलाई न्यूनतम निद्रामा कसरी स्वस्थ रहन सकिन्छ ? भनेर सिकाउने गरेका छन् । सत्य यो हो कि उनी आफै सुत्दैन तर स्वस्थ
छन् ।
भारतको पीएसआरआई अस्पतालको पल्मोनोलोजी विभागकी वरिष्ठ कन्सल्टेन्ट नितु जैनले कुनै तालिमको माध्यमबाट शरीरलाई आवश्यक पर्ने निन्द्रा कम गर्दा राम्रो नतिजा नआउने बताउँछिन् । यदि, कसैलाई कम निन्द्रा लाग्छ भने यो शर्ट स्लिपर सिन्ड्रोम भएको उनको भनाइ थियो ।
छोटो निद्रा सिन्ड्रोम ९एसएसएस०लाई छोटो निद्रा सिन्ड्रोम पनि भनिन्छ । यो एक अवस्था हो । जुन मानिसलाई धेरै मानिसहरूको तुलनामा कम निद्रा चाहिन्छ । शर्ट स्लिपर सिन्ड्रोमबाट पीडित व्यक्ति हरेक रात ४ देखि ६ घण्टा वा सोभन्दा कम सुत्छन् । तर, जब उनी ब्युझिन्छन्, उनी अन्य व्यक्तिहरू जस्तै ऊर्जावान र स्वस्थ रहन्छन् ।
