काठमाडौँ । त्रिभुवन अन्तर्राष्ट्रिय विमानस्थलबाट दुई जनालाई सुनसहित पक्राउ गरिएको छ । पक्राउ पर्नेमा प्युठानको सरुमारानी गाउँपालिका १ घर भएका ३१ वर्षीय समिर अहमद र खोटाङका ३० वर्षीय देवराज खत्री छन् ।
दोहाबाट स्वदेश फिर्ता भएका अहमदको साथबाट प्रहरीले ५४ ग्राम सुनको ढिक्का, औँठी र मोबाइल बरामद गरेको छ ।
यस्तै, भन्सार छलेको सुन लैजान लागेको अवस्थामा २५ ग्राम तौल बराबरको सुनको सिक्री, मोबाइल दुई थान र ल्यापटपसहित देबराज पक्राउ परेका हुन् ।
उनीहरूबारे त्रिभुवन अन्तर्राष्ट्रिय विमानस्थल भन्सार कार्यालयले थप अनुसन्धान गरिरहेको छ ।
प्रतिक्रिया दिनुहोस्
