काठमाडौँ । जनकपुरधाम उपमहानगर २४ का वडाध्यक्ष र सचिवसहित तीन जनालाई अख्तियार दुरुपयोग अनुसन्धान आयोगले पक्राउ गरेको छ ।
पक्राउ पर्नेमा वडाध्यक्ष ५७ वर्षीय उपेन्द्र सहनी, वडासचिव ५२ वर्षीय उपेन्द्र शाह र ४५ वर्षका विजय मण्डल रहेका छन् । आयोगको कार्यालय टंगाल र बर्दिबास कार्यालयको संयुक्त टोलीले चार लाख ५० हजार नगद बरामद गरेसँगै उनीहरूलाई पक्राउ गरेको हो ।
उनीहरुलाई कार्यालय परिसरबाट नियन्त्रणमा लिएर अनुसन्धान भइरहेको अख्तियारले जनाएको छ । घर बाटो प्रमाणित गरिदिने भन्दै उनीहरूले घुस मागेका थिए ।
प्रतिक्रिया दिनुहोस्
