तपाईले प्रायः सुन्नु भएको होला, मानिसहरु आँखा फर्फराउँदा राम्रो र नराम्रो हुने बताउँछन् । धेरै संख्यामा मानिसहरु आँखा फर्फराउनु ज्योतिष शास्त्रसँग सम्बन्धित रहेको ठान्छन् तर, यो स्वास्थ्यसँग सम्बन्धित विषय हो भन्ने थाहा पाउँदा तपाईलाई छक्क पर्नुहुनेछ ।
स्वास्थ्य विज्ञहरूका अनुसार आँखा फर्फराउनुका धेरै कारण हुन्छन् र यसले आँखा मांसपेशी प्रभावित हुन्छन् । कहिलेकाहीँ यो समस्या बढ्छ र यसबाट छुटकारा पाउन उपचारको आवश्यकता पर्न सक्छ।
आज हामी तपाईलाई आँखा कसरी फर्फराउँछ र यसको कारण के हुन सक्छ भनी बताउनेछौँ ।
हप्किन्स मेडिसिनको रिपोर्टका अनुसार आँखा फरफराउनु एक सामान्य अवस्था हो, जुन आनुवंशिक पनि हुन सक्छ। जब व्यक्तिको आँखा कहिले काँही फर्फराउन थाल्छ, यस्तो अवस्थालाई चिकित्सा भाषामा पलक मायोकिमिया भनिन्छ। यो अस्थायी हो र केहि समय पछि निको हुन्छ।
अधिकांश मानिसहरूलाई यो अवस्थाको लागि कुनै पनि प्रकारको उपचार आवश्यक पर्दैन।
यदि कुनै व्यक्तिको आँखा चिम्लिने समस्या छ र लामो समयसम्म आँखा बारम्बार फर्फराउँछ भने यस्तो अवस्थालाई चिकित्सा भाषामा बेनाइन एसेन्शियल ब्लेफरोस्पाज्म भनिन्छ। यस्तो अवस्थामा मानिसको आँखा लगातार फड्को मारिरहन्छ र यस समयमा आँखाको पालि थोरै वा पूर्ण रूपमा बन्द हुन्छ । जसका कारण मानिसले राम्रोसँग काम गर्न पाउँदैनन् र उपचारको आवश्यकता पर्छ ।
आँखा फर्फराउनुको कारण ?
स्वास्थ्य विज्ञहरुका अनुसार आँखा फर्फराउनुको यकिन कारण अहिलेसम्म पत्ता लागेकाे छैन । तर, कहिलेकाहीँ आँखामा धेरै तनाव हुँदा, क्याफिनको सेवन धेरै गर्दा, केही औषधि सेवन गर्दा, आँखा सुख्खा हुने र निद्रा नपुग्दा आँखा फर्फराउने गर्छ ।
आँखा फरफराउँदा पलकको मांसपेशीमा असर पर्छ र पलक फटफट् गर्न थाल्छ । पलकको हल्का फड्को महसुस हुन्छ।
गम्भीर अवस्थाहरूमा, आँखा फर्फराउँदा मानिसहरूका पलकहरू केही सेकेन्डका लागि बन्द हुन्छन्। आँखामा समस्या भएमा मानिसको आँखा पनि फर्फराउन सक्छ । यस्तो अवस्थामा चिकित्सकको सल्लाह लिनुपर्छ ।
आँखा फरफराउने समस्याबाट कसरी बच्ने ?
यस समस्याबाट बच्न मानिसले पर्याप्त निद्रा लिनुपर्छ र अल्कोहल र क्याफिनको सेवन कम गर्नुपर्छ। तनाव कम गर्न दैनिक व्यायाम वा ध्यान गर्नुपर्छ।
आँखाको सुख्खापन हटाउन कृत्रिम आँसुको थोपा हाल्नु पर्छ। यदि आँखामा धेरै हप्तासम्म रहिरहने वा आँखा खोल्न कठिनाइ हुन्छ भने, डाक्टरसँग परामर्श गर्नुपर्छ। एजेन्सीबाट
