काठमाडौँ । अर्घाखाँचीमा जिप दुर्घटना हुँदा एक जनाको मृत्यु भएको छ । घटनामा नौ जना घाइते भएका छन् ।
छत्रदेव गाउँपालिकाबाट बुटवलतर्फ जाँदै गरेको लु १ ज ४७६३ नम्बरको डबल क्याप शीतगंगा नगरपालिका १२ हिलेखोलामा दुर्घटना हुँदा एक जनाको मृत्यु भएको हो । मृतकको पहिचान हुन बाँकी छ ।
घाइतेमध्ये चार जनालाई थप उपचारका लागि बुटवल रिफर गरिएको छ । अन्यको प्राथमिक स्वास्थ्य केन्द्र ठाडा उपचार भइरहेको छ । चालकसहित जिपमा १० जना सवार रहेको जनाइएको छ ।
प्रतिक्रिया दिनुहोस्
