काठमाडाैं । स्थानीय बजारमा साताकाे अन्तिम काराेबार दिन (शुक्रबार) सुनको मूल्यले पुनः नयाँ रेकर्ड बनाएकाे छ । लगातार बृद्धिका बिच सुनको मूल्य आज हालसम्मकै उच्च विन्दुमा पुगेको हो।
यसअघि बुधबार प्रतितोला एक लाख ५३ हजार चार रूपैयाँ पुगेकाे सुनकाे मूल्यले नयाँ रेकर्ड बनाएकाे थियाे ।
तर, शुक्रबार प्रतितोलाकै एक लाख ५६ हजार तीन सय रूपैयाँ पुगेको छ। नेपाल सुनचाँदी व्यवसायी महासंघका अनुसार शुक्रबारकाे मूल्य बुधबारकाे रेकर्डभन्दा २ हजार ९ सय रूपैयाँले बढी हो।
यसअघि बिहीबार सुन प्रतितोला एक लाख ५३ हजार तीन सय रूपैयाँमा कारोबार भएको थियो। बिहीबारको तुलनामा शुक्रबार ताेलाकै तीन हजार रूपैयाँले बढ्दै सुनले नयाँ रेकर्ड बनाएकाे हाे ।
सुनकाे मूल्यमा ह्वात्तै बृद्धि हुँदा शुक्रबार चाँदीको मूल्यमा पनि उच्च बृद्धि भएकाे छ । बिहीबारकाे तुलनामा प्रतिताेला ६५ रूपैयाँले बढ्दै चाँदी प्रतिताेला एक हजार आठ सय ६० रूपैयाँ पुगेकाे महासंघले जनाएकाे छ ।
आज अन्तर्राष्ट्रिय बजारमा भने सुन प्रतिऔंस २५ सय ६८ अमेरिकी डलरमा कारोबार भइरहेको छ।
