काठमाडाैं । फिल्म ‘छक्का पञ्जा ४’ निःशुल्क हेर्न पाइने भएकाे छ । काठमाडौंको नयाँ वानेश्वरस्थित एनबी सेन्टरमा रहेको आईएनआई सिनेमाजमा शनिबार फिल्म निःशुल्क हेर्न पाइने भएकाे हाे ।
फिल्मका निर्माता दीपकराज गिरीले सामाजिक सञ्जालमा लेख्दै शनिबार दिउँसो २ः३० र बेलुका ५ः३० बजे तय गरिएको शोको टिकटका लागि काउन्टरमा सम्पर्क गर्न आग्रह गरेका हुन् ।
‘आईएनआई सिनेमा हल(बानेश्वर)मा बार्षिक उत्सवको उपलक्ष्यमा भोलि शनिबार छक्का पन्जा ४ निःशुल्क प्रदर्शन हुँदैछ ! टिकटका लागि काउन्टरमा पाल्नु होला’, गिरीले सामाजिक सञ्जालमा लेखेका छन् ।
काठमाडौंको नयाँ वानेश्वरस्थित एनबी सेन्टरमा रहेको आईएनआई सिनेमाज दीपकराज गिरी, दीपाश्री निरौला लगायतले सञ्चालन गरेका छन्।
फिल्म ‘छक्का पञ्जा ४’ गत वर्षकाे फागुनमा प्रदर्शनमा आएको थियो।
प्रतिक्रिया दिनुहोस्
