काठमाडाैं । आतिशी मार्लेना सिंह दिल्ली सरकारकाे मुख्यमन्त्री बन्ने भएकी छिन् । आम आदमी पार्टीका प्रमुख तथा पूर्व मुख्यमन्त्री अरविन्द केजरीवालले राजीनामा दिएसँगै आतिशीले मुख्यमन्त्री बन्ने अवसर पाएकी हुन् ।
आतिशी दिल्लीकाे तेस्राे महिला मुख्यमन्त्री बन्ने छिन् । दिल्लीको पहिलो महिला मुख्यमन्त्री सुष्मा स्वराज र दोस्रो शीला दीक्षित थिइन्।
हाल बङ्गालमा ममता बनर्जी एक मात्र महिला मुख्यमन्त्री हुन्।
कालकाजी विधानसभा सीटबाट विधायक बनेकी आतिशीलाई आम आदमी पार्टीका प्रमुख र पूर्व मुख्यमन्त्री अरविन्द केजरीवालको विश्वासपात्र मानिन्छ।
८ जुन १९८१ मा जन्मिएकी आतिशीलाई विद्धान महिला नेतृको रूपमा चिनिन्छ । अक्सफोर्डबाट इतिहासमा स्नातकोत्तर गरेकी उनले लामाे समय शिक्षण पेसामा समेत बिताएकी थिइन् ।
प्रतिक्रिया दिनुहोस्
