काठमाडौँ । बलिउड स्टार सलमान खानको सुरक्षामा फेरि लापरबाही भएको छ । एक युवकले सलमान चढेको कारलाई पछ्याएका थिए ।
त्यसपछि सुरक्षाकर्मीले उनलाई ग्यालेक्सी बाहिर समातेर प्रहरीलाई बुझाएका थिए । घटना भदौ १८ गते राति १२ बजे भएको बताइएको छ ।
हिजो राति करिब १२ बजे सलमानको काफिले मेहबुब स्टुडियोबाट निस्कन बेला मोटरसाइकलमा तीव्र गतिमा गुडिरहेको एक युवकले पछ्याएका थिए । सलमानको सुरक्षामा खटिएका प्रहरीले बारम्बार हर्न बजाउँदा पनि कारसँगै मोटरसाइकल चलाइरहे ।
युवकलाई सोधपुछ गर्दा उनले आफू मुम्बईको बान्द्रा निवासी भएको बताए । उनको नाम मोहिउद्दीन हो । उनी कलेजका विद्यार्थी हुन् ।
उनीविरुद्ध बान्द्रा पुलिस स्टेशनमा धारा १२५ (अरूको सुरक्षालाई खतरामा पार्ने) र भारतीय फौजदारी संहिताको धारा २८१ (लापरवाही ड्राइभिङ) अन्तर्गत मुद्दा दर्ता गरिएको छ ।
प्रतिक्रिया दिनुहोस्
