काठमाडाैं । नेपाली बजारमा साताकाे अन्तिम दिन (शुक्रबार) सुनको मूल्य ह्वात्तै बढेकाे छ । उच्च बिन्दुमा पुगेपछि लगातार तीन काराेबार दिनदेखि घटिरहेकाे सुनकाे मूल्य शुक्रबार तोलामै १ हजार ५०० रुपैयाँ बढेको हाे ।
नेपाल सुनचाँदी व्यवसायी महासंघका अनुसार शुक्रबार सुनको मूल्य तोलामा १ लाख ५७ हजार १०० रुपैयाँ कायम भएको छ।
नेपाली बजारमा बिहीबार सुनको मूल्य तोलामा १ लाख ५५ हजार ६०० रुपैयाँ कायम थियो ।
यसअघि भदाै ३१ मा सुन हालसम्मकै उच्च बिन्दुमा थियाे । उक्त दिन सुनकाे मूल्य १ लाख ५७ हजार ३०० रूपैयाँ थियाे ।
शुक्रबारकाे मूल्य भदाै ३१ काे मूल्यभन्दा २०० रूपैयाँले कम हाे ।
सुनकाे मूल्य बढेसँगै शुक्रबार चाँदीकाे मूल्य पनि बढेकाे छ । बिहीबार तोलामा १ हजार ८८० रुपैयाँ कायम भएको चाँदीको मूल्य शुक्रवार बढेर १ हजार ९१५ रुपैयाँ कायम भएको छ ।
प्रतिक्रिया दिनुहोस्
