काठमाडौँ । नेपालले एएफसी यु-२० एसियन कप छनोटको तेस्रो खेलमा उज्वेकिस्तानसँग लज्जास्पद हार बेहोरेको छ ।
चीनको ताइपेईमा जारी छनोटअन्तर्गत आज भएको खेलमा उज्वेकिस्तानले नेपालको पोष्टमा ६ गोल गरेको हो ।
हारसँगै समूह ‘बी’मा रहेको नेपालको छनोट सम्भावना करिब समाप्त हुने भएको छ । नेपालले तीन खेलबाट तीन अंक बनाएको छ । नेपाल पहिलो खेलमा कम्बोडियासँग ४-१ गोलले पराजित भएको थियो ।
दोस्रो खेलमा नेपालले घरेलु टोली चाइनिज ताइपेईलाई ३-१ गोलले हराएको थियो । नेपालले अब समूहको अन्तिम खेल बहराइनसँग खेल्ने छ ।
प्रतिक्रिया दिनुहोस्
