काठमाडौं । नेपालको लागि बजाज मोटरसाइकलको एकमात्र आधिकारिक वितरक हंसराज हुलासचन्द एण्ड कम्पनीले अहिलेसम्मकै सबैभन्दा ठूलो पल्सर बजाज पल्सर एनएस ४०० जेडको डेलिभरी भृकुटीमण्डपबाट सुरू गरेको छ।
नाडा अटो शोबाट एनएस ४०० जेड बुकिङ गर्ने ग्राहकहरूलाई ४० वटा मोटरसाइकल डेलिभरी गर्दै यसको शुरुवात गरिएको छ।
एनएस ४०० जेडले शक्ति, प्रविधि र डिजाइनको समिश्रणबाट स्पोर्ट्स मोटरसाइकल सेगमेन्टलाई नयाँ उचाइमा पुर्याउनेछ जसले नेपाली बाइक प्रेमीहरूलाई रोमाञ्चक यात्राको अनुभूति प्रदान गर्नेछ।
बजाज पल्सर एन एस् ४०० जेडलाई ३७३ सिसिको सिगंल–सिलिन्डर, लिक्विड–कुल्ड इन्जिनले शक्ति दिन्छ जसले ३९.४ बिएचपी र ३५ एनएम टर्क उत्पादन गर्दछ।
यो ६–स्पीड गियरबक्ससँग जोडिएको छ, जसमा स्लिप र असिस्ट क्लच सुविधा रहेको छ जसले सहज गियर सिफ्ट र थप कन्ट्रोल प्रदान गर्दछ। यस मोटरसाइकलमा सटिक थ्रोटल रेस्पोन्स र इन्धन दक्षताका लागि राइड–बाइ–वायर प्रविधि पनि समावेश गरिएको छ।
गोल्छा ग्रुपका डाइरेक्टर अभिमन्यु गोल्छाल भने, ‘हामी नेपाली बजारमा अहिलेसम्मकै सबैभन्दा ठूलो पल्सर, बजाज पल्सर एन एस् ४०० जेड डेलिभरी गर्न पाउँदा अत्यन्तै खुशी छौँ। नेपालको विभिन्न क्षेत्रबाट प्राप्त अपार बुकिङका कारण हामी दसैं र तिहारको बीचमा माग पूरा गर्नेछौं।’
यसमा रोड, रेन, स्पोर्ट, र अफ–रोड गरी चारवटा राइडिङ मोडहरू छन्, साथै स्विच गर्न मिल्ने ट्राक्सन कन्ट्रोल र डुअल–च्यानल एबिएस छ जसले सबै प्रकारका सडकमा उच्च सुरक्षा प्रदान गर्दछ।
यस मोटरसाइकलमा फुल कलर एलसिडी स्क्रिन रहेको छ। जसमा ब्लुटुथ कनेक्सनको सुविधा उपलब्ध छ, जसले टर्न–बाइ–टर्न नेभिगेसन, म्युजिक कन्ट्रोल, र अन्य राइड सम्बन्धित आवश्यक जानकारी प्रदान गर्दछ।
मस्कुलर र एरोडाइनामिक डिजाइनको साथमा एनएस ४०० जेडमा चिजल्ड फ्यलु ट्यांक, शार्प ट्यांक एक्सटेन्सनस, आरामदायी स्प्लिट सिट सेटअप र स्टाइलिस १७–इन्च अलोय व्हिल्स छन्।
यस मोटरसाइकलको इन्धन ट्यांक क्षमता १२ लिटर छ र सीटको उचाइ ८०७ मिमी रहेको छ, जसले नजिक तथा लामो दुरीको यात्रामा पनि सहजता र स्थिरता प्रदान गर्दछ।
बजाज पल्सर एन एस् ४०० जेडको मूल्य नेपालमा पाँच लाख ५९ हजार ९०० रूपैयाँ रहेको छ।
