काठमाडौँ । काठमाडौँबाट भोजपुर जाँदै गरेको यात्रुबाहक बस दुर्घटना भएको छ । घटनामा दुई जनाको मृत्यु भएको छ ।
मदन भण्डारी राजमार्गअन्तर्गत सिन्धुलीको हरिहरपुरगढी गाउँपालिका ५ महेन्द्रझ्याडीस्थित भलखाडामा आज दिउँसो ३ बजे दुर्घटना भएको जनाइएको छ ।
बागमती प्रदेश ०१००६ ख ६७८५ नम्बरको बस दुर्घटना हुँदा दुई जनाको घटना स्थलमै मृत्यु भएको सिन्धुली जिल्ला प्रहरी कार्यालयका प्रहरी उपरीक्षक गोविन्दराज काफ्ले जानकारी दिए ।
घटनाबारे थप विवरण आउन बाँकी रहेको प्रहरीले जनाएको छ ।
प्रतिक्रिया दिनुहोस्
