काठमाडौँ । नेपाल एयरलाइन्सले दशैँको अवसरमा काठमाडौँ–भैरहवा–काठमाडौँ उडान गर्ने भएको छ ।
नेपाल एयरलाइन्सका अनुसार फूलपाती अर्थात २४ असोजका दिन न्यारोबडी जहाजबाट भैरहवास्थित गौतमबुद्ध अन्तर्राष्ट्रिय विमानस्थलमा उडान भर्न लागेको हो ।
काठमाडौँबाट बाहिर जाने यात्रुको चापलाई ध्यानमा राख्दै प्रतिव्यक्ति एकतर्फी सात हजार रुपैयाँ भाडा तोकिएको एयरलाइन्सले जनाएको छ ।
आरए १७३३ उडान नम्बरको जहाज बिहान ११ बजे काठमाडौँबाट उड्ने भएको छ । सोही जहाज दिउँसो १२ः३० बजे भैरहवाबाट काठमाडौँ उड्ने छ ।
भैरहवाबाट तीन हजार ८९० रुपैयाँमा काठमाडौँ फर्किन पाइने छ । यस उडानका लागि निगमको कार्यालय, वेबसाइट र आफ्नो मोबाइलबाट अनलाइन टिकट लिन सकिने छ ।