डब्ल्यूएचओको प्रतिवेदनअनुसार २०२२ मा विश्वभर २३ लाख जना महिलामा स्तन क्यान्सरकाे समस्या देखियाे । एकै वर्षमा यसबाट ६ लाख ७० हजारले ज्यान गुमाए । स्तन क्यान्सर पुरुषमा पनि हुने भए पनि महिलामा यसको जोखिम बढी हुन्छ । यस प्रकारको क्यान्सर पनि महिलाको मृत्युको दोस्रो ठूलो बनेकाे छ ।
स्तन क्यान्सरको जोखिमलाई लिएर समाजमा धेरै अवधारणाहरू सिर्जना भएका छन्। जसमध्ये एउटा लामो समयसम्म ब्रा लगाउनु हो । धेरै महिलाहरु यस बारे चिन्तित छन्।
सीके बिरला अस्पताल, गुडगाउँको ब्रेस्ट सेन्टरका प्रमुख सल्लाहकार र प्रमुख डा रोहन खण्डेलवाल भन्छन् कि यो दाबी कुनै पनि वैज्ञानिक अनुसन्धानमा सत्य साबित भएको छैन।
ब्राले स्तन क्यान्सर निम्त्याउने तर्क के हो ?
विज्ञहरू विश्वास गर्छन् कि यो गलत धारणा सायद कुनै अफबाबाट उत्पन्न भएको हो । टाइट ब्राले लिम्फेटिक प्रणालीलाई रोक्छ, जसले स्तनको तन्तुमा विषाक्त पदार्थहरू जम्मा गर्न सक्छ भन्ने चर्चा सुनिन्छ । यद्दपि विज्ञहरू ब्रा र स्तन क्यान्सर बीच कुनै सम्बन्ध नभएकाे बताउँछन् ।
ब्रा लगाउँदा स्तन क्यान्सर हुन्छ कि हुँदैन भन्ने पत्ता लगाउन धेरै अध्ययनहरू भइसकेको डा. खण्डेलवालले बताएका छन् । अनुसन्धानमा ब्रा लगाउने अवधि, अन्डरवायर ब्राको प्रयोग र महिलाको अन्य बानी बारे अध्ययन गरिएकाे थियाे । तर, खोजहरूले स्तन क्यान्सर र ब्रा लगाउने बीच कुनै सीधा सम्बन्ध फेला पारेन।
यसले ब्रा लगाउने विधि वा यसको अवधिले क्यान्सरको जोखिममा कुनै असर गर्दैन भन्ने प्रमाणित गर्दछ ।
स्तन क्यान्सर जोखिम कारकहरू
स्तन क्यान्सर शरीरका कोशिकाहरूमा हुने परिवर्तनहरूको कारणले हुन्छ, प्रायः आनुवंशिकी र जीवनशैलीको छनौटको कारणले हुन्छ। यसका लागि जिम्मेवार सामान्य कारकहरू बढ्दो उमेर, चिकित्सा इतिहास, आनुवंशिक उत्परिवर्तन, धुम्रपान, रक्सी पिउने, हर्मोन रिप्लेसमेन्ट थेरापी, ढिलो रजोनिवृत्ति र कम उमेरमा महिनावारी हुनु समावेश भएकाे विज्ञहरूले बताएका छन् । जी न्यूजबाट
