काठमाडौँ । पाल्पा-बुटवल सडक खण्डको तानसेन नगरपालिका ८ डुम्रेमा आज बिहान मोटरसाइकल दुर्घटना हुँदा युवकको मृत्यु भएको छ ।
दुर्घटनामा रामपुर नगरपालिका १ हाँगेपिपलका २२ वर्षीय नारायण ठकुरीको मृत्यु भएको जिल्ला प्रहरी कार्यालयका प्रहरी निरीक्षक सन्दीप बेल्बासेले जानकारी दिए ।
बुटवलबाट पाल्पातर्फ आउँदै गरेको लु ३१ प ६५०७ नम्बरको मोटरसाइकलले सोही दिशाबाट आउँदै गरेको लु २ ख ४६३१ नम्बरको टिपरलाई उछिन्ने क्रममा दुर्घटना भएको प्रहरी जनाएको छ ।
मोटरसाइकल चालक ठकुरीको उपचारका क्रममा भैरहवा मेडिकल कलेजमा मृत्यु भएको हो । दुर्घटनामा मोटरसाइकल चालक रामपुर १ हाँगेपिपलका १८ वर्षीय प्रवीण ठकुरी घाइते भएका छन् । उनको उपचार भइरहेको छ ।
प्रतिक्रिया दिनुहोस्
