काठमाडाैं । मुम्बईबाट उडेका तीन वटा उडानमा बमको धम्की दिइएको थियो । एयर इन्डियाको पहिलो उडान मुम्बईबाट न्यूयोर्क जाँदै थियाे । सूचना प्राप्त हुनासाथ विमानलाई दिल्लीतर्फ माेडिएकाे छ । विमान हाल दिल्लीको इन्दिरा गान्धी अन्तर्राष्ट्रिय विमानस्थलमा पार्क गरिएको छ। विमानमा २३९ यात्रु सवार थिए ।
दोस्रो उडान इन्डिगोको ६इ-१२७५ विमान हो, यो मुम्बईबाट मस्कट जाँदै थियो। तेस्रो उडान इन्डिगाेकै ६इ ५६ विमान हाे । जुन मुम्बईबाट जेद्दा जाँदै थियो ।
धम्कीपछि यी दुवै विमानलाई आइसोलेसन वेमा राखेर परीक्षण भइरहेको छ । अहिले सबै यात्रुलाई विमानबाट उतारिएको छ ।
मुम्बई-हावडा मेललाई पनि बम बिष्फोट गर्ने धम्की दिइएको थियो। तर, छानबिन पछि ट्रेन पठाइएको थियो।
पछिल्लो ५ दिनमा विमानमा बमको धम्कीको यो दोस्रो घटना हो । अक्टोबर ९ मा पनि लण्डनबाट दिल्लीका लागि उडेको विस्तारा एयरलाइन्सको उडान युके १८ मा बम रहेको जानकारी आएको थियो ।
उडान दिल्ली पुग्न करिब ३.५ घण्टा अघि, एक यात्रुले विमानको शौचालयमा धम्कीपूर्ण टिस्यु पेपर देखे। उनले चालक दलका सदस्यलाई जानकारी दिए ।
विमानमा करिब ३ सय यात्रु र चालक दलका सदस्य सवार थिए । सुरक्षा जाँचका कारण करिब ५ घण्टा यात्रु विमानस्थलमै अलपत्र परेका थिए ।
६ महिनामा उडानमा धम्कीका ६ घटना…
अगस्ट २१मा मुम्बईबाट तिरुवनन्तपुरम गइरहेको एयर इन्डियाको उडान ६५७ मा बमको धम्की आयो। विमान तिरुवनन्तपुरम पुगेको थियो। त्यसपछि पाइलटले बम भएको जानकारी दिए । विमानमा १३५ यात्रु सवार थिए । सबैलाई सकुशल बाहिर निकालियो । तिरुवनन्तपुरम विमानस्थलमा आपतकाल घोषणा गरिएको छ। उडानलाई आइसोलेसन बेमा लगिएको थियो। अनुसन्धानमा केही भेटिएन ।
यस्तै, जुन ३ मा आकाशा एयरको दिल्ली-मुम्बई उडान र इन्डिगोको चेन्नई-कोलकाता उडानमा बम भएको खबर आएको थियो। अकासा एयरको उडानलाई अहमदाबादतर्फ डाइभर्ट गरिएको थियो। विमानमा एक बालक र ६ जना चालक दलका सदस्यसहित १८६ यात्रु सवार थिए । दिल्लीबाट मुम्बईको उडान पछि, उडानमा सुरक्षा सतर्कता प्राप्त भयो। त्यसपछि बिहान १०ः१३ बजे विमानले अहमदाबादको सरदार वल्लभभाई पटेल अन्तर्राष्ट्रिय विमानस्थलमा सुरक्षित अवतरण गरेको थियो।
यसैगरी, जुन २ मा पेरिसबाट ३०६ जनालाई लिएर मुम्बईको भिस्टारा विमानमा बमको धम्की आयो। यसपछि मुम्बई एयरपोर्टमा पूर्ण आपतकाल घोषणा गरिएको थियो। जुन २ तारिख बिहान १० बजेर १९ मिनेटमा विमानले आकस्मिक अवतरण गरेको थियो ।
जुन 1 मा चेन्नईबाट मुम्बईको लागि इन्डिगोको उडानमा बम भएको अफवाह फैलिएको थियो। त्यसपछि मुम्बई एयरपोर्टमा आपतकालिन घोषणा गरी उडान अवतरण गरिएको थियो । त्यसमा १७२ यात्रु थिए । तर, विमानमा शंकास्पद केही भेटिएन । एजेन्सीबाट
