काठमाडौँ । उत्तर पश्चिम सिरियामा फर्निचरसहितका स्थलमा भएको रूसी आक्रमणमा दश जनाको मृत्यु भएको छ । घटनामा ३० जना घाइते भएको युद्ध अनुगमन संगठनले जनाएको छ ।
इदलिबको ग्रामीण इलाकामा भएको रूसी हवाई आक्रमणमा इदलिबमा एक जना बच्चासहित दश जनाको मृत्यु भएको र १४ जना बालबालिकासहित ३० जना घाइते भएको सिरियन अब्जर्वेटरी फर ह्युमन राइट्सले जनाएको छ ।
रूसले इदलिब सहरको बाहिरी भागमा ‘एउटा आरा मिल, फर्निचर र ओलिभ प्रेसर’मा प्रहार गरेको उक्त संस्थाले जनाएको छ । सिरियाको नागरिक सुरक्षा बलले आफ्ना टोलीहरूले रूसी हमलामा मारिएका व्यक्तिहरूको शवलाई भग्नावशेषबाट निकालिरहेको जनाएको छ ।
नागरिक सुरक्षा बलका अनुसार बुधबारको आक्रमणले ‘कामदारभित्र रहेको बेला फर्निचरलाई लक्षित गर्दा दश जना सर्वसाधारणको मृत्यु भएको थियो । अन्य ३२ जना गम्भीर घाइते भएका थिए ।
सिरियाका राष्ट्रपति बशर अल–असदसँगको सहकार्य गरिरहेको रूसी सेनाले इदलिबमा भएको आक्रमणमा बमबारीबारे कुनै टिप्पणी गरेको छैन । इदलिब प्रान्तको आधा र अन्य क्षेत्रमा अल–कायदा समूहको नियन्त्रण रहेको छ ।
सन् २०२० मार्चमा सिरियाली सरकारको आक्रमणपछि रूस र टर्कीको मध्यस्थतामा यो क्षेत्रमा युद्ध विरामको घोषणा गरिएको थियो ।
