काठमाडौँ । गोरखाको चुमनुब्री गाउँपालिकामा उत्पादन भएको स्याउले बजार नपाउँदा सरोकारवालाहरूले गुनासो गरेका छन् ।
शुक्रबार काठमाडौँमा पत्रकार सम्मेलन गर्दै स्वदेशी उत्पादनले बजार नपाउँदा विषाधियुक्त स्याउ विदेशबाट आयात गरेर खान बाध्य हुनु परेको उनीहरूको भनाइ थियो ।
करिब २५ सयदेखि तीन हजार मिटरको हिमाली क्षेत्रमा उत्पादन गरेको स्याउलाई बजारसमक्ष लान प्रतिकेजी ५० रुपैयाँ ढुवानी लाग्ने देखिएको उत्पादन महाअभियान नेपालले जनाएको छ ।
हेलिकप्टरमा ढुवानी गर्दा प्रतिकेजी ६६६ पर्न गएको उत्पादन महाअभियान नेपालका संयोजक रमेश पण्डितले बताए ।
उत्पादन महाअभियान नेपालले किसानले उत्पादन गरेका कृषि वस्तुलाई सहज रुपमा बजारीकरण गर्न सरकारको ध्यानाकर्षण गराएको छ ।
प्रतिक्रिया दिनुहोस्
