काठमाडौँ । मकवानपुर प्रहरीले १२१ एम्पुल लागु औषधसहित दुई जनालाई पक्राउ गरेको छ । पक्राउ पर्नेमा मकवानपुरगढी गाउँपालिका २ का २५ वर्षीय बुद्ध बहादुर डिम्डुङ र हेटौँडा उपमहानगर ८ कमानेका २९ वर्षीय नवीन रुम्बा छन् ।
प्रहरीका अनुसार उनीहरूलाई प्रहरीले पूर्व–पश्चिम राजमार्गअन्तर्गत हेटौँडा उपमहानगर ३ लेबटमा नारायणगढबाट हेटौँडातर्फ आउँदै गर्दा पक्राउ गरेको हो ।
उनीहरू सवार ना.३३ प. ९५७६ नम्बरको मोटरसाइकललाई रोकेर जाँच गर्दा उनीहरूको साथबाट उक्त परिमाणको लागु औषध बरामद भएको हो । जसमा ४१ एम्पुल डाइजेपाम, ४१ एम्पुल फेनार्गन र ४० एम्पुल नुर्फिन फेला परेको थियो ।
दुवै जनालाई मकवानपुर जिल्ला अदालतबाट चार दिनको म्याद थप भई अनुसन्धान थालिएको छ ।
प्रतिक्रिया दिनुहोस्
