काठमाडौं । साताको दोस्रो कारोबार दिन पनि स्थानीय बजारमा सुनचाँदीको भाउ बढेको छ ।
शुक्रबारको तुलनामा आइतबार ६ सय रुपैयाँले बढेको सुनको भाउ सोमबार पनि प्रतितोला ६ सय रुपैयाँले बढेको छ । नेपाल सुनचाँदी महासंघका अनुसार मूल्य बढेसँगै आज स्थानीय बजारमा सुनको मूल्य प्रतितोला एक लाख ६५ हजार ६ सय रुपैयाँ पुगेको छ ।
जुन मूल्य हालसम्मकै उच्च मूल्य समेत भएको महासंघले जनाएको छ ।
सुनको मूल्य बढिरहँदा स्थानीय बजारमा चाँदीको मूल्य पनि निरन्तर उकालोमा छ । शुक्रबारको तुलनामा आइतबार तोलामा ९५ रुपैयाँले बढेको सुनको मूल्य सोमबार तोलामा २० रुपैयाँले बढेको छ ।
सोमबार स्थानीय बजारमा चाँदीको मूल्य प्रतितोला २ हजार ९५ रुपैयाँ पुगेको महासंघले जनाएको छ ।
आज अन्तराष्ट्रिय बजारमा सुनको मूल्य प्रतिऔंश २७२७ डलरमा किनबेच भइरहेको छ ।
प्रतिक्रिया दिनुहोस्
