काठमाडौँ । नेपाली बजारमा सुनको मूल्यले आज पनि रेकर्ड बनाएको छ । दशैँपछि दैनिक बढिरहेको सुनको मूल्य आज आठ सय रुपैयाँले वृद्धि भएको हो ।
नेपाल सुनचाँदी व्यवसायी महासंघका अनुसार साताको बुधबार स्थानीय बजारमा सुनको मूल्य प्रतितोला एक लाख ६६ हजार सात सय रुपैयाँ पुगेको छ । यसअघि मंगलबार प्रतितोला एक लाख ६५ हजार नौ सय रुपैयाँमा कारोबार भएको थियो ।
सुनको मूल्यसँगै चाँदीको मूल्य पनि रेकर्ड बनाउँदै आएको छ । बुधबार चाँदीको मूल्य प्रतितोला दुई हजार १३५ रुपैयाँमा कारोबार भइरहेको छ । मंगलबार चाँदी प्रतितोला दुई हजार एक सय रुपैयाँमा कारोबार भएको थियो ।
प्रतिक्रिया दिनुहोस्
