काठमाडौँ । नेपाल प्रिमियर लिग (एनपीएल) खेल्नका लागि लुम्बिनी लायन्सले इंग्ल्याण्डका विकेट किपर ब्याटर थोमस जेम्स (टम मुर्स)लाई अनुबन्ध गरेको छ ।
लुम्बिनीले आज सामाजिक सञ्जालमार्फत मुर्सलाई आफ्नो टोलीमा अनुबन्ध गरेको जानकारी दिएको हो । रोहित पौडेल मार्की प्लेअर रहेको लुम्बिनीले पहिलो विदेशी खेलाडीका लागि मुर्सलाई अनुबन्ध गर्न सफल भएको हो ।
२८ वर्षीय मुर्सले इंग्ल्याण्डको यू १९ टिमबाट खेल्दै विभिन्न टी २० फ्रेन्चाइज लिग खेलेका छन् । उनले अहिलेसम्म १४७ टी २० खेल खेलेका छन् । एनपीएलका लागि पहिलो विदेशी खेलाडी अनुबन्ध गर्दा उत्साहित रहेको लुम्बिनी लायन्सले प्रतिक्रिया दिएको छ ।
एनपीएलको पहिलो संस्करण आगामी मंसिर १५ देखि पुस ६ गतेसम्म आयोजना हुँदैछ ।
प्रतिक्रिया दिनुहोस्
