काठमाडौं । लगातारकाे उतारचढावका बिच शुक्रबार नेपाली बजारमा सुनको मूल्य स्थिर छ । सुनकाे मूल्य स्थिर हुँदा चाँदीको मूल्य भने घटेको छ।
बिहीबार तोलामा १ लाख ६६ हजार रुपैयाँ कायम भएको सुनको मूल्य शुक्रबार पनि सोही मूल्यमा कारोबार भइरहेकाे नेपाल सुनचाँदी व्यवसायी महासंघले जनाएकाे छ ।
महासंघले जनाएअनुसार आज चाँदीको मूल्य भने घटेको छ। बिहीबार प्रतितोला दुई हजार ९५ रूपैयाँमा कारोबार भएको चाँदी शुक्रबार प्रतितोला दुई हजार ७० रूपैयाँमा किनबेच भइरहेको छ।
यो मूल्य अघिल्लो दिनको तुलनामा प्रतितोला २५ रूपैयाँ घटेको हो।
अन्तर्राष्ट्रिय बजारमा सुनचाँदीकाे मूल्यमा तिव्र उथलपुथल चल्दै गर्दा स्थानीय बजार पनि प्रभावित बनिरहेकाे छ । विशेषगरी मध्यपूर्वमा देखिएकाे संकटकाे प्रभाव सुनकाे किनबेचमा परेकाे छ ।
प्रतिक्रिया दिनुहोस्
