कञ्चनपुर । कञ्चनपुरकाे लालझाडी गाउँपालिका–१ विनाबारीका श्रीमान–श्रीमती मृत अवस्थामा भेटिएका छन् ।
जिल्ला प्रहरी कार्यालय कञ्चनपुरले जनाएअनुसार ४५ वर्षीय रमेश बडायक र उनकी श्रीमती ४३ वर्षीय कमल बिछ्यौनामा मृत फेला परेका हुन् ।
जिल्ला प्रहरी कार्यालयका निमित्त प्रमुख नायब उपरीक्षक उमेशप्रसाद जोशीका अनुसार दुवै जनालाई आज बिहान मृत फेला पारिएको हो । त्यसबारे स्थानीयले प्रहरीलाई बिहान खबर गरेका थिए ।
शरीरमा धारिलो हतियार प्रहार भएको देखिएकाले हत्याको आशंका गरिएको छ ।
‘घटना शङ्कास्पद छ’, जाेशीले भने, ‘मृतको शरीरमा धारिलो हतियार प्रयोग भएको डाम देखिएको छ, घटनास्थलमा रगत पनि देखिएकाले अनुसन्धान थालिएको छ ।’
प्रतिक्रिया दिनुहोस्
