काठमाडौं । फिल्म ‘छक्का पञ्जा ५’को रोमान्टिक गीत ‘यो माया बनाउने को हो’ सार्वजनिक भएको छ ।
ओएसआर डिजिटलको आधिकारिक युट्युब च्यानलमार्फत शुक्रबार गीत सार्वजनिक भएको हो ।
यसअघि ‘छक्का पञ्जा ५’का दुई वटा गीत ‘ब्रेक अप’ र ‘बिहे पनि भाको छैन है’ सार्वजनिक भएका थिए । दुवै गीत यूट्युब प्लेटफर्ममा हिट छन् ।
शुक्रबार सार्वजनिक ‘यो माया बनाउने को हो’ गीतमा निशान भट्टराई र अस्मिता अधिकारीको स्वर छ ।
जुन गीतको भिडियोमा फिल्मका अभिनेता दिपकराज गिरी र अभिनेत्री वर्षा शिवाकोटी निकै रोमान्टिक मुडमा देखिएका छन् ।
फिल्म ‘छक्का पञ्जा ५’ बक्सअफिसमा निकै सफल देखिएको छ । दसैंको फूलपातिमा प्रदर्शनमा आएको फिल्मले शुक्रबारसम्म आइपुग्दासमेत दर्शकको निकै राम्रो साथ पाइरहेको छ । जसमा पछिल्लो गीत सार्वजनिक भइरहँदा निकै राम्रो प्रतिक्रिया बटुलिरहेको देखिन्छ ।
यस्तो छ ‘यो माया बनाउने को हो’ गीतको भिडियो
