काठमाडौँ । मकवानपुरमा चार दिनदेखि बेपत्ता युवकको शव फेला परेको छ । बागमती प्रदेश प्रहरी कार्यालय हेटौँडाका अनुसार जिल्लाको कैलाश गाउँपालिका २ बैकुण्ठका ३६ वर्षीय सुन बहादुर थिङको शव फेला परेको हो ।
उनी गत ६ कात्तिकदेखि बेपत्ता हुँदै आएका थिए । खोजी गर्ने क्रममा शुक्रबार उनको शव फेला परेको हो । प्रहरीका अनुसार उनको शव घरदेखि करिब दुई किलोमिटर दक्षिणतर्फ रहेको धारागाउँ जंगलमा घोप्टो अवस्थामा फेला परेको हो ।
स्थानीयले शव देखेपछि प्रहरीलाई खबर गरेका थिए । प्रहरी टोलीले शवको मुचुल्का उठाई पोष्टमार्टमका लागि हेटौँडा अस्पताल पठाएर घटनाबारे थप अनुसन्धान थालिएको प्रहरीले जनाएको छ ।
प्रतिक्रिया दिनुहोस्
