काठमाडौँ । नेपालले आज अमेरिका र स्कटल्याण्डविरुद्ध हुने आईसीसी पुरुष क्रिकेट विश्वकप लिग २ अन्तर्गत आफ्नो पहिलो खेल खेल्ने भएको छ ।
नेपालले आज राति घरेलु टोली अमेरिकासँग खेल्ने भएको हो । खेल राति ९ः१५ बजे सुरु हुने छ । नेपालले दोस्रो खेल मंगलबार स्कटल्याण्डसँग खेल्नेछ ।
लिग २ खेल्न नेपाल क्रिकेट संघ (क्यान)ले शनिबार रोहित पौडेलको कप्तानीमा १५ सदस्सीय टोलीको घोषणा गरेको हो ।
आजको खेलमा सन्दीप लामिछाने अमेरिकाविरुद्ध खेल्ने भएको छ । लामो समय अमेरिकाको भिसा नपाएर टोलीमा नपरेका उनी आजको खेलमा खेल्ने भएका हुन् ।
आजको खेलमा पौडेलसहित अनिल साह, कुशल भुर्तेल, आसिफ सेख, भीम सार्की, दीपेन्द्रसिंह ऐरी, अर्जुन साउद, आरिफ सेख, कुशल मल्ल, सोमपाल कामी, सन्दीप लामिछाने, करण केसी, ललितनारायण राजवंशी, गुल्सन झा र रिजन ढकाल रहेका छन् ।
देव खनाल र सागर ढकाललाई रिजर्भमा राखिएको छ । लिग २ मा नेपालले अमेरिका र स्कटल्याण्डसँग दुई दुई खेल खेल्ने छ ।
