आज मिति २०८१ कार्तिक १२ गते सोमबार । सन् २०२४ अक्टोबर २८ तारिख । नेपाल सम्बत ११४४ कौलागा, कार्तिक कृष्ण एकादशी तिथि । आज नेपालमा सूर्योदय बिहान ६ बजेर ११ मिनेटमा भयो भने सूर्यास्त साँझ ५ बजेर २२ मिनेटमा हुनेछ । अब सुरु गरौँ राशिफलः
मेष
व्यस्तता बढ्नेछ तर अनुकूलता वृद्धि हुनेछ । विभिन्न अवसर प्राप्त हुनुका साथै पारिवारिक भेटघाटका बीच स्वादिष्ट भोजनको आनन्द मिल्नेछ । प्रेम र मित्रताको बन्धन कसिने समय छ । परिस्थितिले अप्ठ्यारा चुनौतीसँग सम्झौता गराए पनि प्रयत्न गर्दा सहयोगीका माध्यमबाट फाइदा उठाउन सकिनेछ । गोपनीयतामा विशेष ध्यान पुऱ्याउनु होला ।
बृष
समय उत्तम छ । नयाँ काम प्रारम्भ हुनुका साथै विभिन्न अवसरले पछ्याउन सक्छन् । प्रशंसकहरू बढ्ने छन् भने नाम, दाम र इनाम हातपार्ने समय छ । विछोडिएका आफन्तसँग भेटघाट हुनुका साथै स्वादिष्ट भोजनमा रमाउने अवसर प्राप्त होला । रमाइलो जमघटले आनन्द दिलाउने छ । पराक्रम वृद्धिका साथै उत्साह बढ्ने छ ।
मिथुन
दिन राम्रै छ । पुराना मित्रजनसँग भेटघाटको अवसर जुट्ने छ । केही नोक्सानी भए पनि पछिसम्म फाइदा हुने काममा लगानी गर्ने अवसर प्राप्त होला । व्यापारमा राम्रै लाभ हुने योग छ । स्वास्थ्यमा केही कमजोरी अनुभूति होला । केही बाध्यतापूर्ण काममा जुट्नु पर्ने योग छ । सहयोगको आशा देखाउनेले झुक्याउन सक्छन्, सचेत रहनु होला । समस्याको समाधान र शत्रुमाथि विजय प्राप्त हुनेछ ।
कर्कट
आजको दिन कामको सन्दर्भमा शक्तिशाली व्यक्तिहरूसँग प्रतिस्पर्धा हुन सक्छ, तर बुद्धिको उपयोगले धेरैलाई आफ्नो पक्षमा लिन सकिनेछ । भविष्यका लागि विशेष काममा जग बसाउने अवसर जुर्ला । तारिफ योग्य काम सम्पादन हुनाले थप मौका जुट्न सक्छ । तथापि, अवसर प्राप्त भए पनि काममा हात हाल्नुअघि राम्ररी विचार पुऱ्याउनु आवश्यक छ । रसरागमा आकर्षण बढ्ने छ ।
सिंह
नयाँ काममा हात हाल्ने अवसर जुट्न सक्छ । विगतको सफलताले थप काम गर्न हौसला प्रदान गर्नेछ भने अभिप्रेरित गर्नेहरूले रचनात्मक काममा प्रवृत्त गराउन सक्छन् । रोकिएका काममा दोहोऱ्याएर प्रयत्न गर्नु उचित होला । परिवारजनसँगको सम्पर्कले मनमा आनन्द मिल्नेछ । तर, इर्ष्या गर्नेप्रति आजको दिन विशेष सावधान रहनुहोला ।
कन्या
नयाँ कामको प्रस्ताव आउने र पहिलेका कमी(कमजोरीलाई पनि सुधार गर्ने अवसर मिल्न सक्छ । राम्रैसँग धन आर्जन हुने योग छ । लगनशीलताले गुमेको प्रतिष्ठा दिलाउन सक्छ । दिगो आम्दानी हुने काम सुरु गर्ने अवसर मिल्नसक्छ । नजिकका साथीभाइ टाढिए पनि टाढाका साथीभाइ नजिकिन सक्छन् । आयबल वृद्धि हुनेछ । मित्रजनको साथ प्राप्त हुनेछ ।
तुला
कर्मबल वृद्धि हुनेछ । आश मारेको काम बन्नाले उत्साह जाग्ने दिन छ । उपलब्धिको स्रोत पहिल्याउन सकिने छ । तर, अरूका काममा समय खर्चनु पर्ला । योजनाहरू गोप्य राखी प्रतिष्ठा जोगाउने काम गर्नु हितकर होला । सामान्य आम्दानी भइरहे पनि अर्थ अभावले सताउन सक्छ, ख्याल राख्नु होला । छरछिमेकमा असमझदारी बढ्न सक्छ । कुनैपनि काममा बलजफ्ती नगर्नु होला ।
बृश्चिक
आजको दिन केही चुनौती युक्त रहनेछ । व्यापार व्यवसायमा हुनु हन्छ भने ठूलो उपलब्धि हासिल गर्न नसकिएला । इर्ष्या गर्नेहरूले काममा अवरोध पुर्याउन सक्छन् । अरूको भरपर्दा धोका पाइएला । गोपनीयतामा ध्यान दिनु उचित हुनेछ । शुभचिन्तकको सुझावलाई बेवास्ता गर्दा दुःख पाइने योग रहेकोले सचेत रहनुहोला । खर्च केही बढ्न सक्छ ।
धनु
दौडधुप बढे पनि बोलीको माध्यमले धेरैलाई मन्त्रमुग्ध बनाउन सकिने समय छ । मेहनत गर्दा पहिले रोकिएको कार्यको पूर्णता र प्रतिफल प्राप्त हुनेछ । खर्च लागे पनि रमाइलो यात्रा हुनसक्ने सम्भावना छ । दिगो फाइदा हुने काममा लगानी गर्ने अवसर जुटेपनि आश्वासन दिनेहरूले झुक्याउन सक्छन्, सचेत रहनुहोला ।
मकर
अवसरका लागि केही दौडधुप गर्नु परे पनि रोकिएका कामहरू बिस्तारै सुरु हुनेछन् । धन तथा भौतिक बस्तु लाभ हुने समय छ । गरिएका कामको राम्रै मूल्यांकन होला । व्यापार तथा साझेदारीमा पनि फाइदा हुनेछ । समुदायको हकहितको संरक्षण गर्दै धेरैको भलाइ हुने काम गर्न सकिएला । प्रेमभाव बढ्नेछ । दायित्व पूरा गर्नु हुनेछ ।
कुम्भ
धन आर्जनको अवसर पनि मिल्ने समय छ, तर आँट गर्न नसक्दा योजना कार्यान्वयन नहुन सक्छ । आजको दिन आफ्ना नातेदारहरुसंग विवाद वा झैझगडा पर्न सक्छ, सावधानीका साथ बोली र व्यवहार गर्नु उचित हुनेछ । आर्थिक समस्या पनि पर्न सक्छ । सवारी साधनको प्रयोग गर्दा आज विशेष सावधानी अपनाउनु पर्नेछ । वादविवादमा परिने योग भएकाले विचारलाई तौलेर मात्र व्यक्त गर्नुहोला ।
मीन
समय शुभदायी छ । विचारले धेरैलाई प्रभावित पार्न सकिने छ भने प्रशंसकहरू बढ्नेछन् । चुनौतीहरू पन्छाउँदै रोकिएका काम पनि सम्पादन गर्न सकिने छ । तर, फाइदाका पछि लाग्दा साथीभाइ टाढिन सक्छन्, सचेत रहनुहोला । नसोचेको ठाउबाट धनमाल आर्जन हुने योग छ । प्रेमभाव वृद्धि हुनेछ ।
