काठमाडौं । उच्च बिन्दुमा पुगेर रेकर्ड कायम गरेको सुनको मूल्यमा फेरि गिरावट आएको छ । आइतबार हालसम्मकै उच्च बिन्दु प्रतितोला एक लाख ६७ हजार चार सय रुपैयाँ पुगेर रेकर्ड राखेको सुनको मूल्य सोमबार घटेको हो ।
आइतबारको तुलनामा सोमबार सुनको मूल्य प्रतितोला चार सय रुपैयाँले घटेको छ । मूल्य घटेसँगै सोमबार सुनको मूल्य प्रतितोला एक लाख ६७ हजार रुपैयाँ कायम भएको छ ।
सुनको मूल्य घट्दै गर्दा स्थानीय बजारमा चाँदीको मूल्य पनि घटेको छ । आइतबारको तुलनामा प्रतितोला २० रुपैयाँले घट्दै चाँदीको मूल्य प्रतितोला दुई हजार ६५ रुपैयाँ कायम भएको छ ।
आज अन्तराष्ट्रिय बजारमा सुनको मूल्य प्रति औंश २७३३.७४ डलर कायम भएको छ । जुन अघिल्लाे दिनकाे तुलनामा १४ डलरले घटेकाे हाे ।
प्रतिक्रिया दिनुहोस्
