काठमाडाैं । अनमोल केसीको शीर्ष अभिनय रहने फिल्म ‘जेरी अन टप’को शुभमुहूर्त गरिएको छ। साेमबार ललितपुरको पाटनस्थित बंगलामुखी मन्दिरमा मुहूर्त गरिएको हो।
फिल्म ‘जेरी अन टप’मा अभिनेता भुवन केसी देखिने भएका छन्। उनी तीन वर्षपछि अभिनयमा फर्किन लागेका हुन्।
भुवनसँगै फिल्ममा उनकै छोरा अनमोल केसी मुख्य भूमिकामा रहनेछन् ।
सुयोग गुरूङको निर्देशन रहने यो फिल्ममा भुवन र अनमाेलसहित जसिता गुरूङ, आँचल शर्मा, विपना थापा, केदार घिमिरे (माग्नेबुढा), सुरक्षा पन्त, निर्मल शर्मा लगायत कलाकारहरूको अभिनय रहनेछ।
मुहूर्तसँगै फिल्मको छायांकन साेमबारबाटै सुरू भएको छ। ५० दिनको छायांकन तालिका राखिएको यो फिल्मलाई काठमाडौं, लुक्ला र भारतको लद्दाखमा छायांकन गरिनेछ।
लभस्टोरी जनरामा बन्न लागेको फिल्मको प्रदर्शन भ्यालेन्टाइन डेको अवसर पारेर फागुन २ गतेलाई तय गरिएको छ। अनन्या फिल्म्सको प्रस्तुति रहेको फिल्मलाई सरोज न्यौपानेले निर्माण गर्न लागेका हुन्।
