काठमाडौँ । नेपाल पञ्चाङ्ग निर्णायक विकास समितिले यस वर्षको भाइ टीकाको साइत सार्वजनिक गरेको छ । कात्तिक १८ गते आइतबार बिहान ११ः३७ बजे भाइ टीकाको साइत शुभ रहेको समितिले जनाएको छ ।
आज बसेको समितिको बैठकले टीकाको साइत निकालेको कार्यकारी निर्देशक सूर्यप्रसाद ढुंगेलले जानकारी दिए । पश्चिम मोहडा गरेर भाइ टीका लगाउनु पर्ने पनि समितिले जनाएको छ ।
नेवार समुदायले मनाउने किजापूजा पनि त्यसै दिन गर्नु पर्ने जनाइएको छ । यस वर्षको यमपञ्चक अर्थात् नेपालीको दोस्रो ठूलो चाड तिहार कात्तिक १३ गते मंगलबारदेखि सुरु हुँदैछ ।
प्रतिक्रिया दिनुहोस्
