काठमाडौँ । धन्तेरसका दिन नयाँ मुद्रण गरिएका चाँदी र सुनको सिक्का लिन टक्सार महाशाखामा सर्वसाधारणको भीड लागेको छ ।
नेपाल राष्ट्र बैंकले प्रकाशित गरेका नयाँ मुद्रण गरिएका चाँदी र सुनको सिक्का लिनका लागि मंगलबार धन्तेरसका दिन मुद्रा व्यवस्थापन विभाग टक्सार महाशाखामा सर्वसाधारणको भीड लागेको हो ।
चाँदी र सुनको सिक्का लिनका लागि टक्सार महाशखाको बाहिर लामो लाइनमा सर्वसाधारण उभिएका थिए । पहिला आउनेलाई प्राथमिकता दिएर चाँदी र सुनको सिक्का बिक्री वितरण गरिएको टक्सार महाशाखाकी कार्यवाहक निर्देशक सम्झना ढकालले जानकारी दिइन् ।
तिहारका अवसरमा राष्ट्र बैंकले हरेक वर्ष नयाँ मुद्रण गरिएका चाँदी र सुनको सिक्का बिक्री वितरण गर्दै आएको छ ।
प्रतिक्रिया दिनुहोस्
